الجزء الثاني من Http_Cycle لكورسPHP_2022

قلنا في المقالة الأولى لو في user أو مستخدم عاوز يدخل على جوجل فهيكتب دومين جوجل الهو Google.com فهو لما بيكتب الدومين هو كدا بيبعت Request لل DNS فال DNS هيشوف IP-Address المقابل للدومين Google.com وقلنا هيكون IP دا مثلا 8.8.8 كدا DNS جاب IP-Address لدومين جوجل فال DNS هيبعت IP-Address كطلب أو Request لسيرفر جوجل وقلنا جوجل هتعمل أي بعد كدا لما يجيلها IP-Address بتاعها ؟ افرض مثلاً في 50 صفحة لجوجل فالمستخدم هيدخل على أنهي صفحة بالظبط ؟ هيدخل على صفحة Index ، المفروض اصلاً إن اي صفحة انت بتزورها بيكون ليها Index الهو الصفحة الرئيسية حتى احنا اصلاً لما بنيجي نعمل صفاحتنا بال HTML و CSS و JS كفرونت اند بنمسي الصفحة الرئيسية Index. 

هل الويب سايت أو الموقع بيكون فية صفحة واحدة بس؟

طبعاً لأ ، بيبقي في صفحات كتير ولكن انت لما بتكتب اسم الدومين النتَ عاوز تروحله وعاوز تدخل على الدومين دا وليكن الهو Google.com فهو بيفتحلك الصفحة الرئيسية ل Google.com ، حتى بردوا لما بتيجي تفتح الصفحة الرئيسية للفيسيبوك فهو بيفتحلك الصفحة الرئيسية للفيسبوك ، الإنستجرام ، تويتر هو بيفتحلك الصفحات الرئيسية لأي موقع من المواقع دي ، يبقي الوقتي كل سيرفر هيكون فية قايمة صفحات موجودة على سبيل المثال بالنسبة لسيرفر جوجل البيحتوي على صفحات كتير زي ما قلنا فوق منها مثلا صفحة index.php طبعا جوجل مش معمول بال php ولكن كمثال بس ، فيها صفحة تانية profile.php فيها صفحات كتير جداً كدا فالمستخدم لما يكتب الدومين سيرفر جوجل هيفتحله صفحة index الهي الصفحة الرئيسية .

هل كود صفحة جوجل Static ثابت 

يعني أي كود Static ؟ هل صفحة جوجل بالأسفل في الصورة هل دي صفحة Static ثابتة ؟ يعني مفيهاش حاجة بتتغير ولا فيها حاجت بتتغير ؟ تعالى نحكم على الموضوع من خلال الصورة هل في حاجة مختلفة بين عندك وعندي بين الصفحتين طبعاً غير اختلاف الألوان ، انتَ ممكن تكون عامل دارك مود Dark Mode وأنا مش عامل ومش دا الحنا عاوزين نوصله احنا بنتكلم على Content محتوى الصفحة ؟ أكيد لاحظت اختلاف صورة Gamil يعني صورة الجيميل العندي مش هتكون زي العندك خالص حتى انتَ اصلاَ ممكن متكنش حاطط صورة للجيميل عادي جداً يبقي نستنج من كدا إن صفحة جوجل صفحة Dynamic متغيرة مش Static ثابتة ولو الجزء المُحدد بالمستطيل الأحمر مش موجود كنا قلنا على صفحة جوجل إنها Static ثابتة لأن كدا مش هيكون في حاجة بتتغير كل اما تفتح صفحة جوجل هيكون المنظر زي ما هو مفيش حاجة بتغيرها لكن انتَ حالياً تقدر تغير صورة Gamil أو تشيلها خالص فبالبتالي نطلق على صفحة جوجل إنها Dynamic وبما انها Dynamic فلازم بيحصل في السيرفر Logic معين عشان الصفحة تفتح 

ما هو المقصود في السيرفر بال Logic 

لوجيك يعني في كود بيتكتب ، يعني أي بردوا ؟ انتَ الوقتي عشان تفتح صفحة index هو مش هيفتحلك صفحة HTML بس في قبل ما يفتحلك صفحة HTML شوية Logic هيتم واللوجيك دا هيبقى عبارة عن أي؟ هيروح يشوف مثلاً مين الشخص العامل Login ، مين email العندنا العامل Login حتى في جوجل احياناً بيطلب منك Location الموقع لو احنا عملنا سيرش بحث يعني كما في الصورة التحت على games فلو انت أول مره تعمل سيرش على games هيطلب منك Location الموقع إنك تعمل Allow سماح يعني بالوصول للموقع أو تعمل بلوك فلو انت عملت بلوك هيقلك لازم تعمل Allow عشان يعرف الموقع بتاعك فدا معناه ان Server-Side مبيحتويش على حاجات Static بس ، لأ بيحتوي على حاجات فيها Logic كتير مثلاً عاوز تعرف Location حد ، عاوز تعرف زي ما قلنا فوق مين عامل Login دلوقتي ، عاوز تجيب اسم الشخص من الداتا بيز ، عاوز تعرف هو عنده كام سنة ، عاوز تعرف تفاصيل كتير عنه فبيبقي في Logic كتير بيتعمل في السيرفر غير انك تفتح صفحات.

المقصود بال HTTP Request

لو روحنا في جوجل زي الصورة الموضحة أدناة www.google.com عشان أروح على جوجل أنا كدا كتبت دومين جوجل وبكتابتي لية ببعت Request إني عاوز افتح صفحة جوجل ونوع الطلب أو Request ده HTTP Request واختصارها Hyper Text Transfer Protocol ، احنا بعتنا في جوجل طلب بدومين جوجل والمفروض إن لما حد بيبعت Request بيبقالة اي بشكل عام ، بمعنى واحد طلب طلب الطلب دا بيبقالة اي Response رد سواء بالقبول أو الرفض ، أنا بقلك مثلاً متنساش تعمل لايك على المقالة أو فيديو يوتيوب فانتَ ممكن تعمل وممكن متعملش عادي براحتك ، يبقي الخلاصة ان أي طلب بيبقالة Response رد.

نبذة عن Response 

احنا الوقتي بعتنا للDNS الدومين Google.com في شكل HTTP Request فال DNS استقبلته وحولته لل IP-Address وال DNS بعتته للسيرفر الهيتعامل مع IP ده ، مين بقا الهيبعت Response ؟ يعني Response هيطلع من عند مين ويروح فين ؟ زي ما هو موضح في الصورة أدناة ، احنا بنتكلم على جوجل وعايزين نفتح صفحة جوجل فالمفروض إن جوجل هي التبعتلك Response لأن هو السيرفر في رسمتنا دي البتبعتله Reuqest ، يبقي السيرفر جالة Request هيرد على User أو المستخدم بال Response والمقالة القدامة هنتكلم عن Response بشكل مفصل .

الفيديو على يوتيوب  

لو عاوز تشوف الجزء الثاني من Http_Cycle لكورسPHP_2022 على يوتيوب اضغط على تشغيل الفيديو 

اضغط على الجزء الثاني من Http_Cycle لكورسPHP_2022 لإجراء الإختبار

شاهد أيضا:

الجزء الأول من Http_Cycle لكورسPHP_2022

تعديل المقال